Bugtung-Bugtong

Bugtong

• isang uri ng libangan na ginagamit ng ating mga ninuno.
• isang palaisipan na ipinahahayag ng patugma.
• naglalarawan ng mga bagay, tao, hayop, prutas sa malikhaing paraan.
• hindi literal ang paglalarawan.

Mga bugtong tungkol sa Bagay.

• Hindo puno, hindi halaman, Mga dahon niya'y karunungan. [Aklat]
• Sa araw ay bumubuhay sa gabi ay pumapatay. [Bahay]
• Maraming ulo, iisa ang sombrero. [Bahay]
• Sa araw ay bungbong, Sa gabi ay dahon. [Banig]
• Kung gabi ay dahon, kung araw ang bungbong. [Banig]
• Kakalat-kalat, natisud-tisod, ngunit kapag tinipon, matibay ang muog. [Bato]
• Nakakapagod kung tumigil, Kung tumakbo'y giliw na giliw. [Bisikleta]
• May ulo'y walang tiyan, Mag leeg walang baywang. [Bote]
• Mga tungkod ni Ising, Kayhirap bilangin. [Buhok]
• Araw-araw bagong buhay, Taun-taon ay namamatay. [Kalendaryo]
• Binili ko ng mahal, isinabit ko lamang. [Hikaw]
• Hind hari, hindi pari, nagdadamit ng sari-sari. [Sampayan]
• Ang ngalan ko ay iisa, ang uri ko'y ibang-iba, gamit ako ng balana, sa daliri nakikita. [Singsing]
• Nang hinawakan ko'y namatay, Nang itapon ko'y nabuhay. [Trumpo]
• Isa ang pinasukan, tatlo ang nilabasan. [T-shirt]
• Isang suman magdamag kong tinulugan. [Unan]
• Isang hukbong sundalo, Dikit-dikit ang mga ulo. [Walis]
• Kung tingnan mo'y mainit, Umuusok ang paligid. [Yelo]

Mga bugtong tungkol sa Hayop.

• Aling hayop dito sa mundo na ang labi ay buto? [Ibon]
• Maliit pa si kumpare. Umaakyat na sa tore. [Lanngam]
• Paghiyaw, pagsenyas, tama sa oras. [Manok]
• Isang prisesa, Hila-hila ang saya. [Manok]
• Ang mukha'y parang tao, magaling lumukso. [Matsing]
• Hindi naman hari, hindi naman kapitan, Mataas ang luklukan. [Matsing]
• Isa ang natipo, apat tumubo. [Palaka]
• Pag munti'y may buntot, Paglaki ay punggok. [Palaka]
• Hindi naman bulag, Pero di nakakakita sa liwanag. [Paniki]
• Sa araw ay nahihimbing, Sa gabi ay gising. [Paniki]
• May kapa ay di naman pari, May korona di naman hari. [Tandang]
• Mas malaki ang mata, kaysa kanyang ulo. [Tutubi]

Mga bugtong tungkol sa Kalikasan.

• Heto na, heto na, malayo pa'y humahalakhak na. [Alon]
• Itinanim kinagabihan, inani kinaumagahan. [Bituin]
• Kabayo kong payat pitong bundok, pitong lubak and nilundag. [Kidlat]
• Baka ko sa Bataan, abot dito ang unga. [Kulog]
• Napapakiramdaman, napapakinggan, ngunit hindi mo nakikita, minsan man. [Hangin]
• Hayan na, hayan na. Hindi nakikita. [Hangin]
• Kalamay ng hari hindi mahati-hati. [Tubig]

Mga bugtong tungkol sa Halaman at Prutas.

• Hindi tao, hindi hayop, hindi natin kaanu-ano pero ate nating pareho. [Atis]
• Nang sumipot na sa liwanag, Kulubot na ang balat. [Ampalaya]
• Bumuka'y walang bibig, Ngumingiti nang tahimik. [Bulaklak]
• Isang senyora, Nakaupo sa tasa. [Kasoy]
• Aso kong si Turko, Nakalabas ang buto. [Kasoy]
• Munting uling, bibitin-bitin, Masarap kanin, mahirap kunin. [Duhat]
• Tinaga ko ang puno, Sa ulo nagdurugo. [Gumamela]
• Isang tungkos ng bakule, Sa itaas na lumaki. [Saging]
• Hindi Linggo, hindi piyesta, Naglawit ang bandera. [Saging]
• Nang ihulog ko ay buto, Nang hanguin ko ay turumpo. [Singkamas]

Mga bugtong tungkol sa Tao.

• Sa silong naglalagi, Basa pa ring lagi. [Dila]
• Dalawang magkapatid, Nag-uunahang bait. [Binti]
• Dalawang bunduk-bundukan, Hindi maabot ang tanaw. [Kilay]